Chhattisgarh: बिलासपुर जिला ल मिले हे प्रधानमंत्री किसान सम्मान निधि के क्रियान्वयन खातिर देश म पहला स्थान
जय जोहार…. (Chhattisgarh) प्रधानमंत्री किसान सम्मान निधि योजना के क्रियान्वयन म छत्तीसगढ़ के बिलासपुर जिला ल देश म पहला स्थान मिले हे। बिलासपुर जिला ल ए उपलब्धि बर भारत सरकार के कृषि मंत्रालय के तरफ ले अवइया 24 फरवरी के नईदिल्ली म पुरस्कार प्रदान करे जाही।
सीएम भूपेश बघेल अऊ कृषि मंत्री रविंद्र चौबे ह ए उपलब्धि बर किसान मन ल बधाई अऊ सुभकामना दे हे। (Chhattisgarh) सीएम बघेल ह कहिन कि प्रदेश सरकार ह कृषक कल्याण के क्षेत्र म पूरा निष्ठा अऊ ईमानदारी के संग काम करत हे। राज्य के खेती-किसानी अू किसान मन ल समृद्ध बनाना हमर मन के सर्वोच्च प्राथमिकता हे।
राष्ट्रीय स्तर म मिले ये सम्मान ह ए बात के प्रतीक हे कि (Chhattisgarh) छत्तीसगढ़ राज्य कृषक कल्याण के क्षेत्र म देश के रोल माडल बने के ओर अग्रसर हे। भारत सरकार के कृषि मंत्रालय के तरफ ले प्रधानमंत्री किसान सम्मान निधि योजना के दू साल पूरा होय म एखर क्रियान्वयन म देश के श्रेष्ठ प्रदर्शन करइया राज्य अऊ जिला के चयन करे गे हे। छत्तीसगढ़ के बिलासपुर जिला ह किसान मन के आधार प्रामाणीकरण अऊ लाभान्वित करे के मामला म देश म पहला जिला रहे हे।
