chhattisgarh : बिलासपुर ल मिलीन हे एक ठीन अउ नवा उड़ान सेवा के सौगात, पढ़व
जय जोहार । (chhattisgarh) प्रदेस के न्यायधानी बिलासपुर ल आज बिलासपुर-इंदौर-बिलासपुर नवा विमान सेवा के रूप म एक बड़का सौगात मिलीन। मुख्यमंत्री भूपेश बघेल अउ केन्द्रीय नागरिक उड्डयन मंत्री ज्योतिरादित्य सिंधिया ह बिलासपुर-इंदौर-बिलासपुर विमान सेवा के वर्चुअल शुभारंभ करीन । मुख्यमंत्री ह राजधानी रायपुर के अपन निवास कार्यालय ले अउ केन्द्रीय मंत्री श्री सिंधिया ह नई दिल्ली ले हरी झण्डी दिखाके फ्लाईट ल बिलासा देवी केंवट हवाई अड्डा चकरभांटा बिलासपुर ले रवाना करीन ।
ए अवसर म मुख्यमंत्री भूपेश बघेल ह किहीन कि राज्य सरकार ह विमान सेवा के विस्तार बर हर सम्भव परयास करत हे। वोहा किहीन कि बिलासपुर ले दूसर बड़ा सहर मुम्बई, कोलकाता, चेन्नई, बेंगलोर बर घलो विमान सेवा प्रारम्भ करे जाय। वोहा स्वामी विवेकानन्द एयरपोर्ट रायपुर ले अंतर्राष्ट्रीय विमान सेवा प्रारम्भ करे अउ इंहा अंतर्राष्ट्रीय कार्गाे हब के स्थापना बर केंद्रीय मंत्री श्री ज्योतिरादित्य सिंधिया ले आग्रह करत किहीन कि रायपुर एयरपोर्ट ल अंतर्राष्ट्रीय मानक अनुसार तैयार करे जा चुके हे । रायपुर एयरपोर्ट ह अब अंतर्राष्ट्रीय फ्लाईट के संचालन बर तैयार हे ।
मुख्यमंत्री ह किहीन कि राज्य सासन डहार ले रायपुर एयरपोर्ट बर भारतीय विमानपत्तन प्राधिकरण ल 461.20 एकड़ भूमि निसुल्क उपलब्ध कराये गेहे । जेमा रनवे विस्तार, नवीन टर्मिनल भवन निर्माण, एटीसी टॉवर निर्माण कर एला अंतर्राष्ट्रीय मानक अनुसार तैयार करे जा चुके हे । एयरपोर्ट विकास बर भूमि के लंबित मांग, एयरपोर्ट परिसर के सुरक्षा सबंधी समस्या के राज्य सासन डहार ले समाधान कर ले गेहे ।
