Raipur: महिला अत्याचार अऊ दुष्कर्म के वारदात के ख़िलाफ़ भाजपा के अजजा अऊ महिला मोर्चा ह दिस धरना
जय जोहार…. (Raipur) भारतीय जनता पार्टी के अनुसूचित जनजाति मोर्चा अऊ महिला मोर्चा के संयुक्त तत्वावधान म प्रदेश म महिला मन के संग सरलघा बाढ़त आत्याचार अऊ दुष्कर्म के वारदात के खिलाफ धरना दिस।
एखर बाद अजजा अऊ महिला मोर्चा ह राज्यपाल अनुसुईया उइके ल ज्ञापन सौंपे हे, जेमा पीड़ित परिवार के एक सदस्य ले नौकरी , उचित मुआवजा अऊ ए मामला के निष्पक्ष जाँच अऊ दोषी म कड़ी कार्रवाई के मांग करे हे।
(Raipur) ए अवसर म पूर्व मंत्री अऊ विधायक बृजमोहन अग्रवाल ह कहिन कि जब ले प्रदेश म भूपेश बगेल के सत्ता आय हे। छत्तीसगढ़ ल कोनो के नजर लग गे हे। महिला सशक्तिकरण, महिला स्वाभिमान अऊ अस्मत के सुरक्षा के सबो सरकारी दावा ह दम तोड़ चुके हे।
(Raipur) धरना म पूर्व मंत्री राजेश मूणत, भाजपा अजजा मोर्चा के प्रदेश अध्यक्ष विकास मरकाम, महिला मोर्चा प्रदेश अध्यक्ष शालिनी राजपूत, शहर जिला भाजपा अध्यक्ष श्रीचंद सुंदरानी, पूर्व मंत्री केदार कश्यप, प्रदेश भाजपा उपाध्यक्ष मोती साहू, पूर्व विधायक नंदे साहू, सच्चिदानंद उपासने, भाजपा प्रदेश प्रवक्ता अनुराग सिंहदेव, मीनल चौबे, लक्ष्मी वर्मा, सुभाषिनी अवस्थी, शशि अग्रवाल, पद्मा चंद्राकर,सुभाष शर्मा, शैलेन्द्री परगनिया, राजेश पांडेय, अजय शुक्ल, प्रफुल्ल विश्वकर्मा, रमेश ठाकुर, रितेश सहारे, बसंत गोंड़, चन्द्रशेखर दीवान, वेद ध्रुव, रजयंत ध्रुव, दिग्विजय सिंह ठाकुर आदि उपस्थित रिहिन।
