भाजपा अऊ जेसीसी विधायक ह उठाइस ध्यानाकर्षण म सड़क चौड़ीकरण म अनियमितता के मामला

जय जोहार रायपुर…. आज शुक्रवार के भाजपा विधायक सौरभ सिंह अऊ जेसीसीजे विधायक देवव्रत सिंह ह ध्यानाकर्षण म चांपा के अंतर्गत हसदेव पुल ले घटौती चौक तक सड़क चौड़ीकरण म अनियमितता के मामला ल उठाइस। सौरभ सिंह ह कहिन कि जेन ठेकेदार मन ह काम नई करिस, वो ला एक्सटेशन दे जात हे। समय सीमा म काम पूरा नई होइस, फेर भी वो ला एक्सटेंशन दे जात हे।

जवाब म नगरीय प्रशासन मंत्री शिव डहरिया ह कहिन कि गुणवत्ता के सैंपल ले गिस हे। प्रावधानों के अनुसार ठेकेदार ल एक्सटेंशन दे गे हे। मंत्री ह जानकारी दिस कि नियमानुसार सबो टेस्ट ले गे हे। गुणवत्ता के ध्यान घलो रखे गे हे। प्रधानमंत्री ग्राम सड़क योजना के जेन टेस्टिंग सेंटर हे जांजगीर म, ऊहां टेस्ट कराए गिस। रायपुर के पीडब्ल्यूडी म घलो टेस्ट कराए गे हे।