Bye election: मरवाही उपचुनाव बर भाजपा ह करिन उम्मीदवार के ऐलान, गंभीर सिंह होही प्रत्याशी

जय जोहार…. (Bye election) मरवाही विधानसभा उपचुनाव बर उम्मीदवार के नाम के ऐलान हो गे हे। भारतीय जनता पार्टी ह अनुसूचित जनजाति आरक्षित ए सीट बर डॉ गंभीर सिंह ल प्रत्याशी बनाय हे। आज केन्द्रीय चुनाव समिति के मुहर के बाद प्रत्याशी के नाम के ऐलान कर दे गे हे।

गौरतलब हे कि पूर्व मुख्यमंत्री अजीत जोगी के निधन के बाद मरवाही विधानसभा सीट (Bye election) ह खाली हो गे हे। जेमा 3 नवंबर के उपचुनाव के घोषणा हो गे हे। एखर नतीजा ल 10 नवंबर के घोसित करे जाही।

ए सीट बर नामांकन दाखिला ह घलो सुरु हो चुके हे, (Bye election) जेन ह 18 अक्टूबर तक चलही। उपचुनाव ल ले के कांग्रेस, जेसीसीजे अऊ भाजपा ह चुनाव प्रचार म जुट गे हे।