वोटर मन ल गलत जानकारी दे गिस, भाजपा लगाइस कांग्रेस उपर आरोप
रायपुर.भारतीय जनता पार्टी के प्रतिनिधि मंडल ह मुख्य निर्वाचन पदाधिकारी ले सिकायत करिन. भाजपा के पदाधिकारी मन ह बताइन के, प्रथम चरन के चुनाव म बस्तर लोकसभा क्षेत्र म 11 अप्रैल 2019 के मतदान होना हे. लेकिन इंहां वोटर मन ल गलत जानकारी दी जात हे.
येला भाजपा ह साजिस बताइस हे अउ ये ठीकरा कांग्रेस के सिर म फोड़िस हे. बस्तर कसभा क्षेत्र के दंतेवाड़ा विधानसभा क्षेत्र (88) के मतदान केन्द्र क्रमांक 129 के मतदाता मन ल बांटे जात फोटो वाले मतदाता पर्ची म मतदान तिथि 18 अप्रैल 2019 लिख दे गे हे.
ये मामला म भाजपा चुनाव विधिक प्रकोष्ठ प्रदेश संयोजक नरेश गुप्ता ह कहिन, दंतेवाड़ा विधानसभा क्षेत्र क्रमांक 88 के भाजपा के भीमा मंडावी ह जीत हासिल के हे. विधानसभा चुनाव म कांग्रेस हार गिस हे. एखर सेती गलत तिथि डाल के मतदाता पर्ची बांटे जात हे. ताकि मतदाता वास्तविक मतदान तिथि 11 अप्रैल के मतदान करे बर नई आवय. ये नेता मन मन ल हमेशा के तरह मुख्य निर्वाचन पदाधिकारी दफ्तर ले मामला म कार्रवाई करे के आश्वानसन मिलिस हे.
