Raipur : विकास काम म भ्रस्टाचार ल लेके भाजपाई मन ह करीन नगर निगम के जोन -4 कार्यालय के घेराव अउ प्रदर्सन
जय जोहार…. विकास काम म भ्रस्टाचार ल लेके राजधानी रईपुर म भाजपा ह नगर निगम के 10 जोन कार्यालय के घेराव करीन। पूर्व मंत्री अउ दक्षिण विधायक बृजमोहन अग्रवाल के मार्गदर्सन म आज भाजपाई मन ह रईपुर नगर निगम के जोन -4 कार्यालय के घेराव करीन। संगेसंग प्रदर्सन घलो करीन।
(Raipur) स्वामी विवेकानंद वार्ड के भारतीय जनता पार्टी पार्सद डॉ. सीमा मुकेश कंदोई ह बताइन कि पिछले अढ़ई बछर ले रईपुर सहर के विकास ल अवरुद्ध करने, स्मार्ट सिटी के पईसा के दुरुपयोग, सहर के आनेआने विकास काम ल आधा-अधूरा रखने, सहर के झुग्गी बस्ती म पानी अउ सफाई उपलब्ध नई कराय, झुग्गी वासी मन ल पट्टा उपलब्ध नई कराय, संपत्ति कर ल आधा नई करने रईपुर सहर म फैले अव्यवस्था समेत कतकोन समस्या ल लेके नगर निगम के जोन 4 कार्यालय म प्रदर्सन करे गेहे।
धरना अउ प्रदर्सन म रईपुर (Raipur) जिला के जिलाध्यक्ष श्रीचंद सुंदरानी, सदर बाजार मंडल के प्रभारी अउ जिला के महामंत्री रमेश ठाकुर, सदर बाजार मंडल के अध्यक्ष प्रवीण देवड़ा, ब्राह्मण पारा वार्ड के पार्सद सरिता दुबे, भारतीय जनता पार्टी के वरिष्ठ नेता केदारनाथ गुप्ता, प्रमोद बैद, रवि बिरनानी, संजय अवचट, भूपेंद्र डागा, सुनील चौधरी, सुनील वंद्रे, विनोद रोहरा, प्रदेस कार्यकारिणी के सदस्य हरशीला रुपाली, पूर्व पार्सद पुष्पा साहू, अचला स्वामी, नीतू ठाकुर, महिला मोर्चा के अध्यक्ष सुमन मुथा, दीपिका मुकेश सोनी, ,पिछड़ा वर्ग मोर्चा के अध्यक्ष नितिन साहू, किसान मोर्चा के अध्यक्ष राजय वर्मा, युवा मोर्चा केअध्यक्ष संदीप कसार, अनुसूचित जाति के अध्यक्ष प्रमोद सेन्दरे, सुनिल गायकवाड, ,विजयेंद्र गुप्ता सामिल रिहीन।
