Congress: भाजपा ल शिक्षक भर्ती ल ले के बयान अउ राजनीति करे के नैतिक अधिकार नई: शैलेश

जय जोहार…. शिक्षक भर्ती म रमन सिंह के बयान म कांग्रेस ह प्रतिक्रिया व्यक्त करे हे।

प्रदेश कांग्रेस संचार (congress) विभाग के अध्यक्ष शैलेश नितिन त्रिवेदी ह कहिन कि रमन सिंह अउ भाजपा के नेता ल शिक्षा के बारे म कुछु घलो बोले के अधिकार नई हे।
छ्त्तीसगढ़ के लोगन मन ह अभी भुले नई हे कि विश्वविद्यालय के कुलपति मन क बइठक ह आरएसएस के दफ्तर अउ सरस्वती शिशु मन्दिर के प्राथमिक शाला म होवत रिहिस।
विश्वविद्यालय के कुलपति मन के बइठक, आरएसएस अउ सरस्वती शिशु मन्दिर के कार्यालय म लेवइया ह कांग्रेस ल शुचिता अउ शिक्षा के पाठ ल न पढ़ाये।
प्रदेश कांग्रेस (congress) संचार विभाग के अध्यक्ष शैलेश नितिन त्रिवेदी ह कहिन कि कांग्रेस सरकार ह शिक्षक मन के भर्ती के प्रक्रिया ल सुरू घलो करे हे।

वर्तमान म छत्तीसगढ़ सरकार ह विपरीत आर्थिक परिस्थिति के सामना करत हे।
लॉकडाउन अवधि म राज्य के आय बिल्कुल नई रिहिस। कोरोना आ जाय के सती आर्थिक गतिविधि ह शून्य हो गिस। स्कूल घलो 12 फरवरी ले कोरोना संक्रमण के फैलाव ल रोके बर बन्द हे।
स्कूल खुलत संग समुचित व्यवस्था कर के शिक्षक मन के भर्ती घलो करे जाही। भाजपा ल कम ले कम शिक्षक भर्ती ल ले के बयान अउ राजनीति करे के कोनो नैतिक अधिकार नई हे।
प्रदेश कांग्रेस (congress) संचार विभाग के अध्यक्ष शैलेश नितिन त्रिवेदी ह कहिन कि रमन सिंह सरकार म 42 हजार शिक्षक मन के पद ह 15 साल तक खाली रिहिस।
शिक्षक मन के भर्ती प्रक्रिया ल भाजपा सरकार ह सुरू नई करिस। रमन सिंह ह कोन मुंह ले कांग्रेस के खिलाफ शिक्षक भर्ती के मामले म बयान देवत हे।