chhattisgarh: खाद के किल्लत ल लेके भाजपा किसान मोर्चा ह 26 जुलाई के प्रदेस के सबो ब्लॉक मुख्यालय म देही धरना
जय जोहार…. (chhattisgarh) प्रदेस भर म खाद के किल्लत ल लेके भाजपा किसान मोर्चा ह 26 जुलाई क्र प्रदेस के सबो ब्लॉक मुख्यालय म धरना देही। ये निर्णय ल सोमवार को भाजपा किसान मोर्चा के प्रदेस कार्यसमिति के बइठक म ले गेहे। ए बइठक के अध्यक्षता ल मोर्चा के प्रदेस अध्यक्ष श्यामबिहारी जायसवाल ह करीन। ए दउरान कतकोन महत्वपूर्ण बिसय म चर्चा करे गीन हे ।
ए अवसर म मोर्चा के प्रदेस अध्यक्ष श्यामबिहारी जायसवाल ह किहीन कि (chhattisgarh) प्रदेस के सहकारी समिति म किसान मन ल खाद नई मिलत हे, जेखर ले किसान मन ह परेसान हे अउ खरीफ फसल ल लेके किसान मन के चिंता बाढ़त हे। उहें खुले बाजार म रासायनिक खाद ह भारी मात्रा म उपलब्ध हे, जेला किसान मन ह जादा भाव म खरीदे ल मज़बूर हे।
राज्य सरकार के किसान विरोधी नीति के खिलाफ किसान मोर्चा के संघर्ष ह सरलग जारी रही। (chhattisgarh) वो हा सबो जिला अध्यक्ष मन ल 26 जुलाई के सबो विकासखंड मुख्यालय म एक दिनी धरना देके किसान मन ल शीघ्र खाद उपलब्ध कराय के मांग करे के निर्देस देहे ।
