पीएम नरेन्द्र मोदी ह कहिस, व्यर्थ नई जाही बलिदान

नक्सल हमला म बीजेपी विधायक के मऊत
रायपुर. छत्तीसगढ़ म लोकसभा चुनाव ले ऐन पहिली दंतेवाड़ा म नक्सली मन ह मंगलवार (9 अप्रैल) के एक बड़का घटना ल अंजाम देय हे. नक्सली मन ह दंतेवाड़ा के कुआकोण्‍डा थाना क्षेत्र के नकुलनार म बीजेपी के चुनावी काफिली उपर नक्सली मन ह हमला करिन हे. हमला म बीजेपी विधायक भीमा मंडावी, उंखर ड्राइवर अउ तीन पीएसओ के मऊत हो गिस. ये घटना के प्रधानमंत्री नरेन्द्र मोदी ह निंदा करिस हे.

पीएम नरेन्द्र मोदी ह ट्वीट कर लिखिस- ‘भीमा मंडावी भाजपा के समर्पित कार्यकर्ता रिहिस हे. मेहनती अउ साहसी, उमन हरदम ही छत्तीसगढ़ के लोगन के सहायता करिन. उंखर निधन गहरा दु:ख हे. उंखर परिवार अउ समर्थक मन के प्रति संवेदना हे.’ एक अन्य ट्वीट म पीएम ह लिखे हे ‘छत्तीसगढ़ म माओवादी हमला के कड़ी निंदा करत हव. शहीद हुोए सुरक्षा कर्मी मन ल मोर श्रद्धांजलि. य शहीद मन के बलिदान व्यर्थ नई जाय.’ उहें, राहुल गांधी ह घलो ट्वीट करिन, ‘दंतेवाड़ा (छत्तीसगढ़) के नक्सली हमला बहुत दुखद हे.. मैं ईश्वर से मृतक मन की आत्मा के शांति अउ परिवारजन के शक्ति अउ हिम्मत देय के प्रार्थना करत हवं.’