भाजपा के राष्ट्रीय उपाध्यक्ष शिवराज सिंह के रायपुर पहुंचे म करिन जोरदार स्वागत
रायपुर. भाजपा के सदस्यता अभियान के बईठक म शामिल होए बर भाजपा के राष्ट्रीय उपाध्यक्ष अउ मध्यप्रदेश के पूर्व मुख्यमंत्री शिवराज सिंह चौहान ह आज रायपुर पहुंचिन हे। इही दउरान माना हवाई अड्डा म भाजपा के कार्यकर्ता मन उंखर जोरदार स्वागत करिन हे।
ये मौका म शिवराज सिंह चौहान ह कहिन कि मेंह आज दिनभर रायपुर के पवित्र धरती म रहिहूं अउ लोगन ले मेल-मिलाप कर सदस्यता अभियान म कतेक तेजी ले काम होवत हे, एखर समीक्षा घलो करहूं।
सदस्यता अभियान के बैईठक म शामिल होय के बाद शिवराज सिंह ह मंझनिया 2 ले 3.30 बजे तक एकात्म परिसर म जनसंघ के कार्यकर्ता मन ले मिलही। एखर बार सम्मान समारोह अउ विशिष्टजनों के सदस्यता अभियान कार्यक्रम म शामिल होही। फेर एकात्म परिसर म प्रेसवार्ता लिही। राष्ट्रीय उपाध्यक्ष ह संझा 4 बजे ले सदस्यता अभियान कार्यक्रम म शामिल होय के बाद संझा 6.40 बजे भोपाल बर रवाना होही।
