जय जोहार रायपुर…. भाजपा के वरिष्ठ नेता बृजमोहन अग्रवाल के सरकार म लगाए गे निराधार आरोप म छत्तीसगढ़ प्रदेश कांग्रेस के प्रवक्ता विकास तिवारी ह कहिन कि रायपुर दक्षिण विधानसभा के विधायक बृजमोहन अग्रवाल अपन क्षेत्र के लोग मन के तकलीफ ल दूर नई कर पात हे अऊ सरलघा जनता के बीच ले गायब हे। ए नाकामी मन ले ध्यान ल भटकाए बर वे प्रदेश सरकार म झूठा अऊ निराधार आरोप लगात हे।
वो हा कहिन कि पूर्व मंत्री बृजमोहन अग्रवाल ल पहिली ये बताना चाही कि जब वे कृषि मंत्री रहिस अऊ ओखर सरकार ह 2100 रूपिया धान समर्थन मूल्य अऊ हर साल 300 रूपिया बोनस दे के वादा करे रहिस, ओला पूरा करिस कि नई करिस अऊ नई करिस त कन मुहुं ले किसान हितैषी बने बर स्वांग रचत हे। डीएमएफ फंड के उपयोग ल कोरोना संक्रमण के समय म करे के बात बृजमोहन अग्रवाल करत हे, लेकिन प्रदेश के जनता ल ये घलो बताना चाही कि पिछले 15 साल म डीएमएफ फंड म सरलघा जेन कमीशन खोरी, भ्रष्टाचार अऊ लूट मचे रहिस, ओखर वे हिसाब जनता ल देही या अपन पूर्ववर्ती भाजपा सरकार के भष्टाचार, कमीशनखोरी म चुप रही।
