Raipur: भाजपा विधायक बृजमोहन अग्रवाल के कोरोना रिपोर्ट आय हे पाजिटिव, पढो पूरा खबर

जय जोहार…. (Raipur) रायपुर ले कोरोना ले जुड़े एक बड़का खबर सामने आवत हे। रायपुर दक्षिण विधानसभा के भाजपा विधायक बृजमोहन अग्रवाल के कोरोना रिपोर्ट ह पाजिटिव आय हे। ओखर कोरोना संक्रमित होय के खबर मिले के बाद पार्टी म हड़कंप मच गे हे।

(Raipur) विधायक बृजमोहन अग्रवाल ह किहिन कि गुरुवार के बुखार लगे म विधानसभा म एंटीजन टेस्ट कराय रहेव, जेमा रिपोर्ट ह पाजिटिव आय रिहिन। बाद म आरटीपीसीआर टेस्ट घलो कराय रहेव, जेमा कोरोना रिपोर्ट पाजिटिव आय हे।

गौरतलब हे कि (Raipur) तीन दिनो के छुट्टी के बाद 28 दिसंबर ले विधानसभा के शीतकालीन सत्र ह फेर सुरू होवइया हे। अइसे म अब सत्र के बाकी बइठक म विधायक बृजमोहन अग्रवाल ह हिस्सा नई ले पाही।