Corona: भाजपा विधायक डमरूधर पुजारी ह पाय गे हे कोरोना पाजिटिव

जय जोहार…. छत्तीसगढ़ म कोरोना (corona) ह अब विधानसभा म घलो दस्तक दे दे हे। चार दिन के मानसून सत्र के आज आखिरी दिन हे। आज बिन्द्रानवागढ़ के विधायक डमरूधर पुजारी के रिपोर्ट ह पाजिटिव आय हे। उहचे एक पुलिसकर्मी के रिपोर्ट ह घलो पाजिटिव आय हे।

मिले जानकारी के मुताबिक छत्तीसगढ़ विधानसभा म विधायक मन के कोरोना (corona) जांच ल एंटीजेन के जरिये कराय गे रहिस। जेमा ओखर रिपोर्ट ह पाजिटिव आय हे।

बता दन कि (chhattisgarh) विधानसभा सत्र के आज आखिरी दिन हे। विधायक डमरूधर पुजारी के पाजिटिव पाय जाय के बाद कई विधायक मन ल क्वारेंटाइन हो के अपन कोरोना जांच ल करवाना पड़ सकत हे।