bjp अध्यक्ष विष्णुदेव साय ह सीएम भूपेश बघेल ल लिखे हे पत्र, करिन ये आग्रह
जय जोहार…. भाजपा (bjp) प्रदेश अध्यक्ष विष्णुदेव साय ह मुख्यमंत्री भूपेश बघेल ल पत्र लिखे हे। एमा स्मार्ट कार्ड योजना ल सुरु करने अऊ आयुष्मान भारत योजना के लाभ ल राज्य के जनता ल दे जाय के मांग करे हे।
साय ह पत्र म लिखे हे कि पूर्ववर्ती सरकार के महत्वपूर्ण स्वास्थ्य सुविदा ले जुड़े योजना म रोक लगा दे गे हे, जेन ए कोरोना संकट म जनता ल बड़का राहत दे सकत हे।
भाजपा (bjp) प्रदेश अध्यक्ष साय ह पत्र म लिखे हे कि केन्द्र के नरेंद्र मोदी सरकार अऊ प्रदेश के पूर्ववर्ती डॉ रमन सिंह सरकार के तरफ ले जनता ल बेहतर स्वास्थ्य सुविधा उपलब्ध कराय के उद्देश्य ले (bjp) आयुष्मान भारत योजना अऊ स्मार्ट कार्ड योजना ल सुरु करे गे रहिस।
कांग्रेस सरकार ह ए दुनो योजना ले जनता ल वंचित कर दे हे। ओ मन ल मुफ्त इलाज नई मिल पावत,। कोरोना महामारी संकटर ले सबो जूझत हे। प्रदेश के जनता ह आज भयभीत नई, अपितु स्वास्थ्य सुविधा के उपलब्धता अऊ इलाज के खर्च ल ले के घलो चिंतित हे।
