BJP रईपुर जिला ह काली पं. दीनदयाल उपाध्याय के जयंती ल मनाही, करही कई कारीकरम के आयोजन
जय जोहार…. (BJP ) भाजपा रईपुर जिला ह काली शनिवार के पं. दीनदयाल उपाध्याय के जयंती ल मनाही। ए दउरान आने आने कारीकरम के आयोजन करे जाही।
भाजपा (BJP )रईपुर जिला अध्यक्ष श्रीचंद सुंदरानी, महामंत्री ओंकार बैस, रमेश सिंह ठाकुर, जिला मंत्री अकबर अली ह बताइन कि 25 सितम्बर के बिहनिया 10 बजे तेलीबांधा थाना के सामने स्थित पं. दीनदयाल उपाध्याय के आदमकद प्रतिमा म माल्यर्पण करे जाही। एखर बाद बिहनिया 11 बजे भाजपा जिला कार्यालय एकात्म परिसर म तैलचित्र पर माल्यार्पण कर के स्मरण करे जाही । ए अवसर म पूर्व मंत्री अउ विधायक बृजमोहन अग्रवाल अउ पूर्व मंत्री राजेश मूणत ह पं. दीनदयाल उपाध्याय जी के जीवन म प्रकाश डालही ।
वो हा बताइन कि मंझनिया 12 बजे जिला अस्पताल पंडरी म फल वितरण करे जाही। (BJP ) ऐखर बाद मंझनिया 1 बजे सबो मंडल के बूथ म जयंती मनाए जाही अउ वृक्षारोपण करे जाही। एखर संगेसंग पोस्ट कार्ड के माध्यम ले प्रधानमंत्री नरेन्द्र मोदी जी ल जन्मदिन के बधाई देत हुए गरीब कल्याण अउ सेवा के काम के प्रति ओमन ल आभार व्यक्त करे जाही।
