BJP Raipur District ह काली नगरीय प्रसासन मंत्री के करही घेराव, संपत्ति कर हाफ अउ यूजर चार्ज ल समाप्त करे के हे मांग
जय जोहार…. प्रदेस के कांग्रेस सरकार के वादा खिलाफी, संपत्ति कर हाफ अउ यूजर चार्ज ल समाप्त करे के मांग ल लेके भाजपा रईपुर जिला (BJP Raipur District) डहार ले गुरुवार के नगरीय प्रसासन मंत्री डॉ. शिव कुमार डहरिया के घेराव करे जाही ।
भाजपा रईपुर जिला (BJP Raipur District) महामंत्री रमेश सिंह ठाकुर ह बताइन कि भाजपा के सबो पदाधिकारी अउ कार्यकर्ता मन ह 24 फरवरी के मंझनिया 12 बजे मरीन ड्राइव म एकत्रित होही। एखर बाद उहां ले नगरीय प्रसासन मंत्री के घेराव करे ल ओखर बंगला जाही।
भाजपा रईपुर जिला महामंत्री (BJP Raipur District) श्री ठाकुर ह भाजपा (BJP ) के सभी कार्यकर्ता मन ले नगरीय प्रसासन मंत्री के घेराव कारीकरम म सामिल होय के अपील करे हे ।
