Raipur : भाजपा रईपुर जिला ह काली देही धरना, सरकार के दमनात्मक रवैया के करही विरोध

जय जोहार…. (Raipur ) भारतीय जनता पार्टी रईपुर जिला डहार ले सासन अउ प्रसासन के दमनकारी नीति के विरोध म 15 फरवरी के धरना दे जाही। ए कारीकरम ह बूढ़ा तालाब धरना स्थल म मंझनिया 1 बजे ले सुरु होही, जेन संझा 5:00 बजे चलही।

भाजपा रईपुर (Raipur) जिलाध्यक्ष श्रीचंद सुंदरानी, महामंत्री ओंकार बैस, रमेश सिंह ठाकुर अउ जिला मंत्रीअकबर अली ह बताइन कि प्रदेस के मदमस्त तानाशाह भूपेश सरकार ह गंगाजल अउ गऊ माता के पूंछ पकड़के जनता मन ले करे 36 वादा म कोनो घलोक वायदा ल पूरा नई करीन अउ सरकार के वादाखिलाफी के विरुद्ध आवाज़ उठाय म भाजपा कार्यकर्ता अउ वरिष्ठ नेता म पुलिस के माध्यम ले अलोकतांत्रिक तरीका ले विपक्ष ल दबाय के कृत्य करे जावत हे , जेखर विरोध म धरना प्रदर्सन के आयोजन ल करे गेहे।