जय जोहार…. (Raipur) भाजपा रईपुर जिला, भाजयुमो अउ महिला मोर्चा के नेतृत्व म पत्थलगांव घटना के विरोध म कैंडिल मार्च निकालही। ए कैंडिल मार्च ल18 अक्टूबर संझा 5 बजे गांधी प्रतिमा आज़ाद चौक ले अम्बेडकर प्रतिमा कचहरी चौक तक निकाले जाही। ए दउरान दुर्घटना म मारे गीस श्रद्धालु गौरव अग्रवाल ल श्रद्धांजलि अर्पित करही अउ ओखर परिवार ल 1करोड़ रुपिया अउ गंभीर रूप ले घायल ल 25 लाख मुआवजा दे के मांग करही।
(Raipur) भाजपा रईपुर जिला महामंत्री ओंकार बैस अउ रमेश सिंह ठाकुर ह बताइन कि 15 अक्टूबर के पत्थलगांव म दुर्गा विसर्जन जुलूस म सामिल मनखे मन ल तेज रफ्तार गांजा तस्कर के गाड़ी ह कुचल दे रिहीस, जेमा गौरव अग्रवाल के मउत होंगे रिहीस, उहें 26 मनखे मन ह घायल हे।
भाजपा रईपुर (Raipur) जिला महामंत्री ओंकार बैस अउ रमेश सिंह ठाकुर ह बताइन कि प्रदेस म जब ले कांग्रेस के सरकार ह बने हे, प्रदेस के कानून व्यवस्था के बुरा आलम हे। अपराधी मन के हौसला बुलंद हे, संरक्षण प्राप्त होय के सेती पुलिस सुस्त, लाचार अउ असहाय बइठे हे। जेखर सेती जशपुर म श्रद्धालु मन के संग बड़का हृदयविदारक घटना घटित होइस हे।
