BJP रईपुर जिला के कार्यकर्ता मन के काली होही बइठक, पढ़व

जय जोहार…. भाजपा (BJP) रईपुर जिला के सबो कार्यकर्ता मन के आम बइठक ह 23 नवम्बर के होही। ए बइठक ह मंझनिया 3 बजे ले जिला कार्यालय एकात्म परिसर, रईपुर म सुरु होही।

भाजपा (BJP) रईपुर जिला अध्यक्ष श्रीचंद सुंदरानी, जिला महामंत्री ओंकार बैस अउ रमेश सिंह ठाकुर ह बताइन कि बइठक म पूर्व विधानसभा अध्यक्ष प्रेमप्रकाश पांडेय, पूर्व मंत्री चंद्रशेखर साहू, भाजपा जिला प्रभारी अउ प्रदेश उपाध्यक्ष खूबचंद पारख के मार्गदर्सन प्राप्त होही।

बइठक म (BJP) सांसद, विधायक, पूर्व विधायक, भाजपा के राष्ट्रीय, प्रदेस, जिला, मंडल पदाधिकारी अउ कार्यसमिति के सदस्य, मोर्चा अउ प्रकोष्ठ के राष्ट्रीय, प्रदेस, जिला, मंडल पदाधिकारी अउ कार्यसमिति के सदस्य, सक्तिकेन्द्र संयोजक, सहसंयोजक, प्रभारी, बूथ समिति के अध्यक्ष,पालक,सचिव अउ सबो बूथ समिति के सदस्यग, सबो पार्सद रईपुर, बिरगांव अउ माना नगर पंचायत ल सामिल होय के अपील करे हे।