बीजेपी के पहिली लिस्ट जारी, ये सीट मन म होइस प्रत्याशी मन के ऐलान

रायपुर. लोकसभा चुनाव बर बीजेपी ह अपन लिस्ट जारी कर दे हे. ए लिस्ट म 184 उम्‍मीदवा के नाम सामिल हे. बीजेपी ह ए लिस्‍ट म 20 राज्‍य मन म अपन प्रत्याशी मन के ऐलान करिस. केंद्रीय मंत्री जेपी नड्डा ह प्रेस कांफ्रेंस म नाम मन के घोसना करिन. ए लिस्ट म छत्तीसगढ़ के पांच लोकसभा सीट मन  म पार्टी ह प्रत्याशी मन के नाम के ऐलान करिन हे. अइसे माने जात हे के बाकि के 6 सीट मन उपर जल्द प्रत्याशी मन के घोसना कर दे जाही.

छत्तीसगढ़ के ये सीट मन होइस प्रत्याशी मन के ऐलान

1.सरगुजा लोकसभा सीट- रेणुका सिंह

2.बस्तर लोकसभा सीट- बेदूराम कश्यप

3.रायगढ़ लोकसभा सीट- गोमती साय

4.कांकेर लोकसभा सीट- मोहन मंडावी

5.जांजगीर लोकसभा सीट- गुहाराम अजगले

बता देवन के चुनाव आयोग ह लोकसभा चुनाव बर 7 चरन म मतदान हो ही. लोकसभा चुनाव बर पहिली चरन के मतदान 11 अप्रैल के हो ही, उहें 23 मई के वोट मन के गिनती हो ही. पहिली चरन के वोटिंग 11 अप्रैल, दूसर चरन के वोटिंग 18 अप्रैल, तीसर चरन के वोटिंग 23 अप्रैल, चउथा चरन के वोटिंग 29 अप्रैल, पांचवां चरन के वोटिंग 6 मई, छठा चरन 12 मई अउ सांतवां व अंतिम चरन के वोटिंग 19 मई के हो ही.