chhattisgarh : भाजपा झुग्गी झोपड़ी प्रकोष्ठ ह 5 सूत्री मांग ल लेके करीन प्रदर्सन, पढ़व

जय जोहार…. भाजपा ह छत्तीसगढ़ सरकार के वादा ल लेके सरलग प्रदर्सन करत हे। बीजेपी झुग्गी झोपड़ी प्रकोष्ठ घलो सरकार के खिलाफ रद्दा म हे। ए प्रकोष्ठ ह सुभाष स्टेडियम, रईपुर के सामने पांच सूत्री मांग ल लेके प्रदर्सन करीन। ए दउरान प्रकोष्ठ के नेता मन ह सरकार के खिलाफ वादाखिलाफी के आरोप लगाइन हे।

भारतीय जनता पार्टी झुग्गी झोपड़ी के प्रकोष्ठ के महेश पंडित अउ राजेश गुप्ता ह बताइन कि प्रदेस के सरकार हरेक मोर्चा म नाकाम है। झुग्गी झोपड़ी वाला ल ओखर अधिकार पट्टा दे के वादा करे गे रिहीन, लेकिन अब तक नई मिले हे। सरकार ह वादा कर के भुला गेहे।

वो हा किहीन कि बेरोज़गार युवा मन ल भत्ता दे बर प्रदेस सरकार ह वादा करे रिहीन, ओमन ल घलो भत्ता नई देवत हे। झुग्गी झोपड़ी बर जैन बैंक म पैसा रहे हे, ओमा काम नई होवत हे। एखर सेती पैसा घलो लैप्स हो जावत हे। राजेश गुप्ता ह किहीन कि कोरोना काल म मज़दूर मन डहार धियान नई दे गेहे, एखर सेती ओमन ल भत्ता दे जाना चाही। एक राष्ट्र एक रासन व्यवस्था ल लागू करे के मांग करत हन, ऐखर सेती आज धरना प्रदर्सन कर के सरकार ल ओखर वादा ल याद दिलावत हन।