Raipur : पेट्रोल अउ डीज़ल म वेट के भाव ल कमती करे के मांग ल लेके भाजपा ह रईपुर म करीन धरना प्रदर्सन
जय जोहार…. (Raipur ) प्रदेश भाजपा के बैनर तले भाजपा रईपुर जिला ह आज डीज़ल अउ पेट्रोल म वेट के भाव ल घटाय के मांग ल लेके राजधानी रईपुर म धरना प्रदर्सन करीन। ए मउका म भाजपा प्रदेस अध्यक्ष विष्णुदेव साय ह किहीन कि आज के चक्काजाम म मनखे मन ह भागीदार बनके बता देहे कि इहां के मनखे मन ह भूपेश सरकार के छल ल समझ गेहे। मनखे मन ह अपन हक़ के पेट्रोल अउ डीजल के मूल्य म कमी बर मुख्यमंत्री भूपेश बघेल ह रद्दा म उतरे बर मज़बूर कर दीस।
(Raipur ) पूर्व मंत्री अउ विधायक बृजमोहन अग्रवाल ह किहीन कि अपन नाकामी के दोसारोपण ल केंद्र म करे के मुख्यमंत्री बघेल के आदत बन चुके हे। वो हा किहीन कि वास्तविकता ये है कि यूपीए सरकार के बेरा कांग्रेस के करे गड्ढा ल पाटे बर पेट्रोल अउ डीजल के दाम बाढ़े रिहीस। अब जब केंद्र ह पेट्रोल अउ डीजल के भाव म कमी कर दीन हे, जादातर राज्य ह कमी कर दीन हे त का भूपेश सरकार ए देस ले बाहर हे ?
धरना-प्रदर्सन म सांसद सुनील सोनी, (Raipur ) रईपुर सहर ज़िला भाजपा अध्यक्ष श्रीचंद सुंदरानी, भाजयुमो प्रदेस अध्यक्ष अमित साहू, पूर्व विधायक नंदे साहू, प्रदेस प्रवक्ता संजय श्रीवास्तव समेत भाजपा कार्यकर्ता मन ह सामिल रिहीन।
