बीजेपी प्रदेश अध्यक्ष विष्णुदेव साय ह करिन जनसंपर्क अभियान के शुरूआत
जय जोहार. विष्णुदेव साय ह भारतीय जनता पार्टी के प्रदेस में नवा मुखिया बन गे। ओमन ह अपन कार्यभार ल संभाले के दूसर दिन केद्र के मोदी सरकार के उपलब्धि ल लेके रायपुर के खम्हारडीह इलाका ले जनसंपर्क अभियान के सुरुआत करिन। विष्णुदेव साय ह पार्टी के नेता मन के संगे-संग लोगन मन के घर-घर के दउरा करत हे अऊ केन्द्र सरकार के योजना अऊ कारयकरम के जानकारी देवत हे।
बीजेपी प्रदेश अध्यक्ष विष्णुदेव साय ह कहिन कि प्रधानमंत्री नरेंद्र मोदी के दूसर कार्यकाल के एक साल ह तीस मई के पूरा होय हे। ए दौरान प्रधानमंत्री मोदी ह कई ऐतिहासिक निर्णय ले हे। जेमा धारा 370, 35ए के खात्मा, ट्रिपल तलाक बिल पास होना, नागरिकता संशोधन कानून बनाना, राम जन्मभूमि के विवाद घलो ए समय म सुलझा हे। राम मंदिर निर्माण के काम ह प्रशस्त होय हे।
यहू ल पढ़व.. ए जिला म फेर मिलिस कोरोना के तीन नवा मरीज, संक्रमित मन के संख्या होइस 86
कई उपलब्धि एक साल म हासिल करे हे। ए उपलब्धि ल पूरा देश म भाजपा के कार्यकर्ता ह घर-घर तक पहुंचावत हे। देश म 10 करोड़ अऊ छत्तीसगढ़ म 23 लाख परिवार तक संपर्क करे ल हे। जनसंपर्क अभियान के शुरुआत आज छ्त्तीसगढ़ म ह मन ह करिन।
