पूर्ण शराबबन्दी समेत पांच सूत्रीय मांग ल लेके छत्तीसगढ़ भाजपा ह राज्यपाल ल सौंपिन ज्ञापन

जय जोहार…. छत्तीसगढ़ भाजपा ह कहिन कि कोरोना आपदा के बीच मेडिकल इंफ्रास्ट्रक्चर खड़े करे बर राज्य सरकार ह कतना राशि ल खरच करे हे। श्वेत पत्र जारी कर ये बताये जाना चाही। पूर्ण शराबबन्दी के मांग करत हुये भाजपा ह कहिन कि कोरोना के आड़ म सरकार ह शराब म टैक्स लगा के पैसा कमाये ल चाहथे। भाजपा ह पांच सूत्रीय मांग ल लेके आज राज्यपाल ल ज्ञापन सौंपिन। संगेसंग धरना के ऐलान करे हे। कोरोना के सती लागू धारा 144 के उल्लंघन करे बिना भाजपा ह ये धरना ल देही। भाजपा ह तय करे हे कि प्रदेश भर म नेता अऊ कार्यकर्ता ह अपन-अपन घर के सामने बइठ के धरना ल देही।

पूर्व मुख्यमंत्री डॉ. रमन सिंह, प्रदेश अध्यक्ष विक्रम उसेंडी, राष्ट्रीय महासचिव सरोज पांडेय, राज्यसभा सांसद रामविचार नेताम, नेता प्रतिपक्ष धरमलाल कौशिक, सांसद सुनील सोनी, बृजमोहन अग्रवाल, अजय चंद्राकर समेत आला नेता मन ह राजभवन म राज्यपाल अनुसूईया उइके ले मुलाकात करिन। ए दौरान भाजपा ह पांच सूत्रीय मांग ल लेके ज्ञापन सौंपे हे।