जय जोहार…. भाजपा के किसान आन्दोलन के घोसना म प्रदेश (chhattisgarh) कांग्रेस संचार विभाग के अध्यक्ष शैलेश नितिन त्रिवेदी अऊ प्रदेश कांग्रेस उपाध्यक्ष ह कहिन कि भाजपा पहिले ये त छत्तीसगढ़ के किसान मन ल बताये कि ये आंदोलन दिल्ली म मोदी सरकार के किसान विरोधा काला कानून के खिलाफ हे या फेर छत्तीसगढ़ म राजीव गांधी किसान न्याय योजना के जरिये धान, मक्का, गन्ना उत्पादक मन ल दे जावत प्रति एकड़ 10 हजार रुपया सहायता राशि के खिलाफ हे।
क्योंकि भाजपा के नेता ह किसान मन ल समर्थन मूल्य के आलावा अतिरिक्त राशि के सहायता दे के विरोध करत हे।
(chhattisgarh) भाजपा ह मोदी सरकार के खिलाफ मैदान म उतरे किसान मन ल समझाय म विफल हो गे हे। एखर बाद षडयंत्र कर किसान मन के खिलाफ माहौल बनाय म जुटे हे। जेन ह 3 लाख 50 हजार गठान जूट बोरी नई दे के छत्तीसगढ़ म धान खरीदी म विघ्न डाले के फेर कोशिश करत हे।
प्रदेश (chhattisgarh) कांग्रेस संचार विभाग के अध्यक्ष शैलेश नितिन त्रिवेदी अऊ प्रदेश कांग्रेस उपाध्यक्ष ह कहिन कि कि रमन सिंह ह जेन-जेन असंभव कहत रिहिन, कांग्रेस ह कर दिखाय हे। 2500 धान के दाम, कर्जमाफी अऊ 85 लाख मीट्रिक टन धान के खरीदी। रमन सिंह ह बौखलाहट म गरीब-किसान विरोधी अऊ छत्तीसगढ़ विरोधी कृत्य करत हे।
