जय जोहार…. (Raipur) भाजपा वामन राव लाखे वार्ड के नेतृत्व म भाजपाई मन ह वार्ड म लंबित मांग ल लेके काली 26 अगस्त के नगर निगम ज़ोन 5 कार्यालय के घेराव करही। संगेसंग जंगी प्रदर्सन घलो करही।
भाजपा रईपुर (Raipur) जिला महामंत्री रमेश सिंह ठाकुर ह बताइन कि नगर निगम ज़ोन 5 कार्यालय के घेराव बर वार्ड के भाजपाई अउ मनखे मन ह पूर्व पार्षद कार्यालय के पास, कुशालपुर काली बिहनिया 11 बजे एकत्रित होही, इहां ले सबो झन ह नगर निगम ज़ोन-5 कार्यालय के घेराव करे ल जाही।
वो हा बताइन कि नगर निगम रईपुर (Raipur) के वामन राव लाखे वार्ड के अंतर्गत संपत्तिकर हाफ, 1500 रुपिया निराश्रित पेंशन, गरीब मन ल आवासीय पट्टा, वार्ड म विकास काम, प्रधानमंत्री आवास योजना चालू करने, तुंहर सरकार तुंहर द्वार म मिले आवेदन के निराकरण, गरीब मन ल पट्टा, गरीब मन ल पूरा रासन, अमृत मिशन जल योजना चालू करे अउ 24 – 7 पानी सप्लाई ल सुरु करे के मांग ह लंबित हे।
