Chhattisgarh: भाजपा 22 जनवरी के फेर देही प्रदेशव्यापी धरना, कलेक्ट्रेट के घलो करही घेराव, पढो पूरा खबर

जय जोहार…. (Chhattisgarh) छत्तीसगढ़ म किसान मन के बदहाली अऊ धान खरीदी म होवत अनियमितता ल लेके भाजपा ह एक बार फेर प्रदेशव्यापी धरना देही। संगेसंग कलेक्ट्रेट के घेराव घलो करही। ए पूरा कार्यक्रम के जानकारी ल पूर्व कृषि मंत्री बृजमोहन अग्रवाल ह दे हे।
(Chhattisgarh) पूर्व मंत्री बृजमोहन अग्रवाल ह 22 जनवरी के होवइया ए धरना प्रदर्शन ल राज्य स्तरीय करे के संगेसंग जिलेवार करे के अपील करे हे। वो हा राज्य सरकार म आरोप लगाईस कि किसान मन के बेचे गे धान के आज तक भुगतान नई होय हे।
वो हा कहिन कि (Chhattisgarh) कतना किसान मन ह धान बेचे हे, एखर सूची ल सरकार ल जारी करना चाही। ओमा कांग्रेसी कतना है अऊ भाजपाई कतना हे। पूर्व मंत्री अग्रवाल ह आरोप लगाईस कि धान खरीदी म पारदर्शिता ल लेके सरकार ह चुप हे।