BJP रईपुर जिला ह काली 16 मंडल म अवइया सबो रासन दुकान के सामने करही धरना अउ प्रदर्सन

जय जोहार….. भाजपा (BJP) राईपुर जिला डहार ले काली रईपुर सहर के 16 मंडल म अवइया सबो रासन दुकान के सामने धरना अउ प्रदर्सन करही। भाजपा ह बिहनिया 10 बजे धरना अउ प्रदर्सन कर के प्रधानमंत्री नरेंद्र मोदी डहार ले भेजे गरीब हितग्राही मन ल 5 किलो रासन देके मांग करही।

भाजपा (BJP) रईपुर जिला अध्यक्ष श्रीचंद सुंदरानी, महामंत्री ओंकार बैस अउ रमेश सिंह ठाकुर ह बताइन हे कि प्रधानमंत्री नरेन्द्र मोदी डहार ले प्रधानमंत्री गरीब कल्याण अन्न योजना के तहत कोरोना के दुसरइया लहर म घलो नवम्बर माह 2021 तक हरेक गरीब मनखे मन बर हरेक माह 5 किलो चावल भेजे जात हे, किन्तु राज्य के कांग्रेस सरकार डहार ले हर हितग्राही मन ल 5 किलो चावल के वितरण नई करे जात हे। एखर विरोध म पार्टी ह सबो राशन दुकान के सामने धरना अउ प्रदर्सन के योजना बनाए हे।