जय जोहार रायपुर…. भारतीय जनता पार्टी काली 14 अप्रैल के संविधान रचयिता भारत विविध व्यक्तिगत कायर्क्रम ल रख के ओमन ल अपन श्रद्धांजलि अर्पित करही। भाजपा ह प्रदेश कार्यकर्ता मन ले लॉकडाउन अऊ सोशल डिस्टेंटिसंग के ए दौरान पालन करे ल केहे हे।
प्रदेश भाजपा अध्यक्ष विक्रम उसेंडी ह सबो कार्यकर्ता मन ले अपील करे कि वे सबो 14 अप्रैल के अपन-अपन निवास म डॉ. अंबेडकर के चित्र के पूजन कर माल्यार्पण करे अऊ अपन कार्यक्रम ल सोशल मीडिया म अपलोड करे। ए मऊका म डॉ. अंबेडकर के जीवन म प्रकाश डालत हुए प्रदेश अध्यक्ष ह आडियो-वीडियो संदेश ल जारी करही। उसेंडी ह कहिन कि प्रत्येक मंडल इकाई, गरीब बस्ती मन ल चिन्हांकित कर भोजन के कार्यक्रम करे के प्रयास करही। घर म बने मास्क के पर्याप्त मात्रा म वितरण के व्यवस्था करही। वो हा कहिन कि सबो कार्यकर्ता मन ह अपन चिन्हित मेरी बस्ती, कोरोना मुक्त बस्ती अभियान ल शुरू करही।
