Raipur : भाजपा ह रईपुर म काली धर्मांतरण के विरोध म करही धरना अउ प्रदर्सन
जय जोहार…. (Raipur ) भाजपा रईपुर सहर जिला डहार ले 8 सितम्बर के धर्मांतरण के विरोध म रईपुर म करही धरना अउ प्रदर्सन करे जाही। भाजपा के ए कारीकरम ह काली बिहनिया 11 बजे ले मंझनिया 2 बजे तक धरना स्थल बूढ़ापारा, रईपुर म होवइया हे।
भाजपा रईपुर (Raipur ) जिला अध्यक्ष श्रीचन्द सुंदरानी, महामंत्री रमेश सिंह ठाकुर अउ ओंकार बैस ह बताइन कि भाजपा रईपुर सहर जिला डहार ले प्रदेस सरकार के संरक्षण म चलत धर्मांतरण के विरोध अउ धर्मांतरण के विरोध करइया के विरुद्ध दर्ज मुकदमा ल वापस ले के मांग ल लेके धरना स्थल बूढ़ापारा म धरना अउ प्रदर्सन करे जाही।
(Raipur ) भाजपा नेता मन ह किहीन कि प्रदेस म जब ले कांग्रेस के सरकार बने हे। राज्य अउ राजधानी रईपुर म मनखे मन ल बहला-फुसला अउ प्रलोभन देके धर्मान्तरण कराय के काम ह चलत हे, जेन ह हिन्दू धर्म अउ संस्कृति बर खतरा बनत जावत हे ।
