किसान मन म लाठीचार्ज मामला म रमन-सरोज समेत भाजपा नेता मन करिस राज्यपाल ले मुलाकात, धान खरीदे बर 15 दिन अऊ बढ़ाए के करिस मांग

जय जोहार रायपुर….केशकाल म धरना-प्रदर्शन करत रहिस किसान मन के ऊपर लाठीचार्ज के मामला म सूबे के राजनीति ल गरमा दिस। लाठीचार्ज मामला म गठित जांच दल के रिपोर्ट आए के बाद पूर्व मुख्यमंत्री डॉ. रमन सिंह, राष्ट्रीय महामंत्री सरोज पाण्डेय समेत भाजपा के आला नेता मन ह गुरुवार के राजभवन म राज्यपाल अनुसूईया उइके ले मुलाकात कर ज्ञापन सौंपिस। अऊ सरकार ले धान खरीदी के संबंध म श्वेत पत्र जारी करे बर के मांग करिस।

राज्यपाल ले मुलाकात के बाद पूर्व सीएम अऊ राष्ट्रीय उपाध्यक्ष डॉ. रमन सिंह ह कहिन कि सीएम भूपेश बघेल ह विदेश म हे। छत्तीसगढ़ सरकार के एक भी जवाबदार व्यक्ति नई हे, जेन किसान मन के तकलीफ अऊ समस्या मन ल समझ के ओखर निराकरण कर सके। हमन सरकार ले श्वेतपत्र जारी करे के मांग करिस। धान खरीदी के नियम मन म कतको बार परिवर्तन करे गिस, एखर जानकारी श्वेत पत्र म दिए जाए अऊ धान खरीदी के मियाद ल 15 दिन अऊ बढ़ाए बर के मांग करे गिस हे।