जय जोहार…. (Raipur) भाजपा कार्यालय म आज प्रेसवार्ता होय हे। ए प्रेसवार्ता म पूर्व मंत्री बृजमोहन अग्रवाल, राजेश मूणत अउ जिला अध्यक्ष श्रीचंद सुंदरानी समेत आन पदाधिकारी सामिल होइन हे । ए दउरान भाजपा नेता मन किहीन कि 15 अगस्त के आजादी के महोत्सव के रूप म ठीक 11 बजे सबो भाजपा कार्यकर्ता ह चाहे ओ कही हो राष्ट्रगान ल गाही। सबो बीजेपी कार्यकर्ता मन ह झंडा वंदन करही।
(Raipur) भाजपा नेता मन किहीन कि 17 अगस्त के हरेक वार्ड स्तर म आंदोलन होही। बीजेपी कैंडल यात्रा निकलही। 26 अगस्त के भाजपा नगर निगम के घेराव करही। सरलग बलात्कार, हत्या, चोरी अउ चाकूबाजी के मुद्दा म बीजेपी आंदोलन करही । भाजपा ह सितंबर के दुसरइया सप्ताह म कतकोन मुद्दों म आंदोलन के घोसना करीन।
पूर्व मंत्री बृजमोहन अग्रवाल ह किहीन कि मनखे मन के संग सरकार ह विश्वासघात करे हे। (Raipur) रईपुर सहर म अवैध शराब, गांजा जप्त होत हे। ओखर ले सहर के कानून व्यवस्था ह जर्जर हो गेहे। पिछले दिन बिजली के भाव म बढ़ोत्तरी होय हे। कोरोना काल म मनखे मन के नौकरी चले गेहे।
