भाजपा के खिलाफ पत्रकार मन के अनोखा प्रदर्शन

रायपुर. रायपुर के भाजपा कार्यालय म एक पत्रकार के संग मारपीट के मामला म अनिश्चित कालीन हड़ताल म बइठे पत्रकार अब भाजपा के कार्यक्रम मन म अनोखा तरीका ले अपन विरोध दर्ज करावत हे। एखर नजारा बुधवार के सहर के बुढ़ापारा स्थिति धरना स्थल म देखे बर मिलिस।

इहाँ भाजपा नेता मन के धरना प्रदरसन ल कवर करे बर गे पत्रकार मन ह बीजेपी नेता मन ले बचाव बर हेलमेट पहिन के पूरा कार्यक्रम के कवरेज करिन अउ संग म बाईट घलो हेलमेट लगाके ही लिन हे। उहें पत्रकार मन ह विरोध स्वरुप भाजपा नेता मन ले बचाव बर अपन संग एक एम्बुलेंस घलो लेके गे रहिन हे।

आप मन ल बतादन के, राज्य सरकार उपर बदलापुर की राजनीति के आरोप लगात हुए भाजपा ह एक दिवसीय धरना प्रदरसन कर अपन विरोध जताइस हे। संग ही नेता मन  ह ए मामला म सड़क ले सदन तक आन्दोलन करे के चेतावनी दीस हे।