आप मन ले हो नइ पावय भूपेश जी..काबर कहिस भाजपा ह

रायपुरः रविवार के प्रधानमंत्री नरेंद्र मोदी के कार्यक्रम मन के बात म मुख्यमंत्री भूपेश बघेल ह ट्वीट कर के भाजपा उपर निसाना साधिस हे. अब भाजपा ह कांग्रेस सरकार उपर पलटवार करिस हे.

बघेल ह ट्वीट करे रहिस हे ‘अब मन के बात नइ, होही ‘काम’ के बात. उंखर  60 महीना सिरिफ नाम के, हमार 60 दिन हे काम के. गढ़बो नवा छत्तीसगढ़’.

एमा  भाजपा ह पलटवार करत हुए ट्वीट करिस ‘बघेल सरकार ह 60 दिन म सिरिफ ‘मन’ माने काम करिस हे. बदला ले बर  सिरिफ SIT म SIT  बनाइस. CBI ल बैन करिस. स्मार्ट कार्ड बंद करिस, आयुष्मान योजना ल बैन करिस. चरण पादुका बंद करिस. पंचायत मन के अधिकार कम करिस. किसान सम्मान निधि ले किसान मनल  वंचित करिस. आप मन ले हो नइ पाए भूपेश जी.’