भाजपा के शराबबन्दी के मांग ल लेके घर म धरना ह फ्लॉप शो – शैलेश नितिन त्रिवेदी

जय जोहार…. भाजपा के तरफ ले आज नेता अऊ कार्यकर्ता मन के अपन घर के सामने धरना दिये जाना ल कांग्रेस ह फ्लॉप शो निरूपित करे हे। प्रदेश कांग्रेस संचार विभाग के प्रमुख शैलेश नितिन त्रिवेदी ह कहिन कि छप्पन लाख घर के सामने आज भाजपा सदस्य मन के धरना ह होना रहिस, क्योंकि प्रदेश म भाजपा के कथित रूप ले 56 लाख सदस्य हे। विधानसभा चुनाव म 56 लाख वोट घलो नई मिले रहिस। ए बार धरना प्रदर्शन ह 56 लाख त कोन कहे 56 सौ जगह घलो आयोजित नई हो सकिस। पूरा प्रदेश भाजपा के ये अभियान घलो विफल रहिस अऊ जनता के संगेसंग भाजपा नेता अऊ कार्यकर्ता मन ह घलो ए अभियान ल नकार दे हे।
वो हा कहिन कि भाजपा ह अपन घर के सामने प्रदर्शन के घोसना त करे रहिस, लेकिन भाजपा नेता मन ह अपन घोसना के अनुरूप प्रदर्शन करे के बजाये धारा 144 के उल्लंघन करिन अऊ कोरोना काल म भाजपा ह राजनीतिक नौटंकी करिन, ए नौटंकी बर जनता ह ओला माफ नई करही।
वो हा कहिन कि मुख्यमंत्री भूपेश बघेल के सरकार ह स्पस्ट कर दे हे कि नोटबन्दी जइसन शराबबन्दी नई करही अऊ शराबबन्दी बर राजनीतिक, प्रशासनिक अऊ समाजिक कमेटी के गठन कर दे गे हे। शराबबन्दी बर गठित राजनीतिक कमेटी ले भगइया भाजपा ह शराबबन्दी के नाम ले मात्र राजनीतिक नौटंकी करत हे।