भारतीय जनता युवा मोर्चा ह सरकार के खिलाफ करे हे विरोध प्रदर्शन

जय जोहार…. धमतरी के रहवइया हरदेव सिन्हा के खुदकुशी मामले म आज भारतीय जनता युवा मोर्चा ह राजधानी रायपुर म मुख्यमंत्री निवास के सामने विरोध प्रदर्शन करे हे। एखर संग छ्त्तीसगढ़ सरकार के पुतला दहन करे के कोशिश करिस, जेला पुलिस ह रोक लिस। ए दौरान पुलिस अउ भाजयुमो के बीच जमकर झूमाझटकी होय हे।
भाजयुमो प्रदेश महामंत्री संजू नारायण ह कहिन कि भाजयुमो ह बड़का आंदोलन करे हे। प्रदेश म राज्य सरकार के तीन हजार पुतला ल कार्यकर्ता मन ह अपन घर के बाहर जलाय हे। आप मन ह बेरोजगारी भत्ता के वादा ल करे रहेव, बेरोजगारों को बेरोजगारी भत्ता दे, अन्यथा एखर ले घलो बड़का आंदोलन ल भारतीय जनता युवा मोर्चा ह करही।