chhatttisgarh के सबो सामुदायिक स्वास्थ्य केंद्र म स्थापित होही ब्लड-बैंक – टीएस सिंहदेव

जय जोहार…. (chhatttisgarh) स्वास्थ्य मंत्री श्री टी.एस. सिंहदेव ह आज राष्ट्रीय स्वैच्छिक रक्तदान दिवस के अवसर म रक्तदान माह के सुभारंभ करीन। वो हा मनखे मन ल रक्तदान बर प्रेरित करे ल रईपुर म सिविल लाइन के अपने निवास कार्यालय ले प्रचार-प्रसार रथ ल हरी झंडी दिखाके रवाना करीन।

ये प्रचार रथ ह (chhatttisgarh) रईपुर, बिलासपुर, दुर्ग अउ भिलाई के प्रमुख हाट-बाजार, मॉल, स्कूल अउ कॉलेज म स्वैच्छिक रक्तदान बर मनखे मन ल जागरूक करही। स्वास्थ्य मंत्री सिंहदेव किहीन कि सबो जिला के मुख्य चिकित्सा अउ स्वास्थ्य अधिकारी ल अक्टूबर माह ल रक्तदान माह के रूप म मनाय अउ ए महीना जादा ले जादा रक्तदान सिविर आयोजित करे बर निर्देसित करे गेहे।

स्वास्थ्य विभाग ह प्रदेस के सबो सामुदायिक स्वास्थ्य केंद्र म ब्लड-बैंक स्थापित करे दिसा म काम करत हे। (chhatttisgarh) वो हा बताइन कि राज्य गठन के बेरा छत्तीसगढ़ म सिर्फ नौ ब्लड-बैंक रिहीन, जेन अब बढ़के 95 हो गेहे। प्रदेस के 28 जिला म 31 सासकीय ब्लड-बैंक संचालित हे। नवगठित गौरेला-पेंड्रा-मरवाही जिला म घलो ए बछर सासकीय ब्लड-बैंक सुरु हो जाही ।