Chhattisgarh म बोर्ड परीक्षा होही ऑफलाइन, 12वीं के 2 अउ 10वीं के 3 मार्च ले सुरु होही एग्जाम, पढ़व

जय जोहार । छत्तीसगढ़ म 10वीं-12वीं के बोर्ड परीक्षा ह ऑफलाइन होही। ए घांव माध्यमिक शिक्षा मंडल ह परीक्षा केंद्र के संख्या ल बढ़ा देहे । ए केंद्रों म कोरोना ले संक्रमित विद्यार्थी मन बर घलो परीक्षा के विसेस व्यवस्था ल करे के बात करे जावत हे ।

जानकारी के मुताबिक 10वीं-12वीं के बोर्ड परीक्षा ल तय बेरा म सारिणी के हिसाब ले कराय जाही । ये परीक्षा ल केंद्र म ही कराय जाही । परीक्षा ल कतका केंद्र म कराय जाही, ये अभी तय नई होय हे । ऐखर निर्धारण के प्रक्रिया ल जल्दीच पूरा कर ले जाही ।’

माध्यमिक शिक्षा मंडल ह ए घांव कोरोना संक्रमित परीक्षार्थी बर अलग व्यवस्था म विचार करत हे। बतावत जात हे कि संक्रमण के स्थिति म परीक्षार्थी ल केंद्र प्रभारी ल सूचना दे बर होही । ओखर बाद ओ विद्यार्थी बर अलग कमरा म बइठे के व्यवस्था करे जाही। ए कक्ष म निरीक्षक अउ दूसर ह पीपीई किट पहनके जाही जाएंगे।

बता देन कि माध्यमिक शिक्षा मंडल ले घोसित कारीकरम के मुताबिक 12वीं के परीक्षा ह 2 मार्च ले सुरु होके 30 मार्च तक चलही । उहें 3 मार्च ले 23 मार्च तक 10वीं के परीक्षा होही । फिजिकल एजुकेसन के परीक्षा ल घलो 3 मार्च ले 11 मार्च तक ले जाही । परीक्षा बिहनिया 9 बजे ले मंझनिया 12.15 बजे तक होंही ।