रामकुंड ले लापता दूनों छात्र के मिलिस शव.. अपहरण के बाद हत्या

रायपुर. राजधानी के रामकुंड इलाका म मंगलवार ले लापता दूनों छात्र के लाश बुधवार के खाटू श्याम मंदिर के तीर शीतला तालाब म मिलिस। दूनों के अपहरन के रिपोर्ट कल आजाद चउक थाना म दर्ज करवाए  गे रहिस हे।

रामकुंड निवासी मृतक मोनू ध्रुव अउ जयकिशन दोस्त रहिन हे।  मोहल्ला के कुछु लोगन मन बुधवार के  शीतला तालाब म एक लइका के लाश देखिस। एखर सूचना पुलिस ल दे गिस। सूचना मिलत ही पुलिस ह शीतला तालाब पहुंचिन अउ शव ल बाहिर निकलवाइस। एखर बाद तालाब के पानी म खोजबीन सुरू करिन त दूसर लइका के लाश घलो मिलगे।  पुलिस ह शव ल पोस्टमार्टम बर  भेजके मामला के जांच सुरू कर दीस हे।