ये वजह ले जिला प्रशासन बर मुसीबत खड़ा कर दिन ग्रामीन मन

मडवा पावर प्लांट म नई होवत हे पुर्नवास नीति के पालन

जांजगीर- चांपा. जिला के मडवा अउ तेंदुभाठा गांव के लोग मन एक बार फेर चुनाव बहिस्कार के घोसना कर जिला प्रशासन बर मुसीबत खड़ा कर दिस येखर पहिली घलो गांव वाला मन ह विधान सभा चुनाव के बहिस्कार करे रिहिन हे.

दरअसल… ये दूनों गांव के ग्रामीन मन ल छत्तीसगढ शासन ह मडवा पावर प्लांट म भू विस्थापित मन ल पुर्नवास नीति के तहत लाभ नई देय हे. उहें अधिकारी मन के मनमानी चलत लोग मन म घलो नाराजगी हे. विधानसभा चुनाई में ये मामला लेके वोट नई डालिन…. ओखर बाद भी अधिकारी मन ह समस्या के हल नई करिन… जेखर ने नाराज ग्रामीन मन ह लोकसभा चुनाई के बहिस्कार करत हे.

ग्रामीन मन के नाराजगी ल देखत हुए एसडीएम ह मडवा प्लांट के अधिकारी मन अउ ग्रामीन मन के बीच मध्यस्थता करे बर पहुंचिन अउ ग्रामीन मन ले मतदान के बहिस्कार नई करे के समझाईस दीस.उहें मडवा पावर प्लांट के अधिकारी मन ल शासन के पुनर्वास नीति के पालन करे के निरदेस दिन. उहें चुनाव के बाद त्रिपक्षी वार्ता कर ग्रामीन मन के समस्या ल हल करे के आस्वासन दिस. अउ ग्रामीन मन के मतदान करे बर सपथ दिलाईस.