हार के बाद पद म बने रहे के सवाल म भड़क गे छत्तीसगढ़ भाजपा के प्रभारी …

रायपुर। लोकसभा चुनाव ल लेके भाजपा ह तइयारी सुरू कर दे हे। इहीं ल लेके आज पत्रकार मन ले चर्चा करत हुए छत्तीसगढ़ भाजपा के प्रभारी अनिल जैन ह विवादित बयान दे डारिस। देख बाद विवाद के स्थिति बनगे। अउ पत्रकार मन ह पत्रकार वार्ता के बहिष्कार कर दीस।

दरअसल, आज दुपहर एकात्मक परिसर म आयोजित पत्रकार वार्ता के दउरान ओ बेरा म  वाद विवाद के स्थिति उत्पन्न हो गे। जब महामंत्री राष्ट्रीय महासचिव अनिल जैन ले  पत्रकार मन ह विधानसभा चुनाव म हार के उंखर ले इस्तीफा देय के बारे म सवाल पूछिन त अनिल जैन ह भड़कगे अउ उल्टा पत्रकार मन ले कहिन के, आप मन कांग्रेसी हव क्या, जेखर बाद बीजेपी कार्यलय म विवाद के स्थिति बन गिस। पत्रकार मन पत्रकाक वार्ता के बहिष्कार कर दीन।