जय जोहार। सीएम भूपेश बघेल ह 17 अप्रैल के रायपुर शहर म 500 सीटर बीपीओ सेंटर स्थापित करे बर भूमिपूजन करही । लगभग 10 करोड़ रुपिया के लागत ले ये बीपीओ सेंटर कलेक्टोरेट के सामने मल्टीलेवल पार्किंग के पाचवां तल म सुरू होही ।
मुख्यमंत्री के सोच के अनुरूप ए बीपीओ. सेंटर के स्थापना रायपुर के युवा ल उन्नत अउ आधुनिक सुविधा ले आत्मनिर्भरता प्रदान करे के उद्देश्य ले करे जावत हे । ए बीपीओ ले कॉल सेंटर कस्टमर सपोर्ट, सेल्स एंड मार्केटिंग, डाटा एंट्री, टेक्निकल सपोर्ट, चैट सपोर्ट, बैंक एंड फ्रंट ऑफिस वर्क, सोशल मीडिया हैण्डलिंग, डाटा एनालिसिस जइसे आउटसोर्सिंग व्यवसाय ले युवा जुड़ सकेही।
अब रायपुर म बीपीओ सेंटर खुल जाए ले अइसे युवा ल रोजगार के नवा अवसर मिलही । सेंटर के मार्फत देस -विदेस जे बड़का कंपनी अउ वाणिज्यिक सेवा संस्थान ले जुड़के स्थानीय युवा के रोजगार अउ विकास म भागीदारी घलो बढ़ही । एखर संग ही नवा तकनीक के उपयोग ले विभिन्न कंपनी म संपर्क होए ले युवा के संवाद कौशल घलो बढ़ही।
Other Articles
CM Bhupesh Baghel ह महाप्रभु वल्लभाचार्य के जयंती म करीन नमन
No Comment! Be the first one.