BREAKING: पीसीसी चीफ भूपेश बघेल के बंगला आपस म भिड़गे कार्यकर्ता

रायपुर। मुख्यमंत्री के नाम के घोसना होए के पहिली ही भूपेश बघेल के बंगला म कार्यकर्ता आपस म भिड़ गिन।  मामला हाथापाई तक पहुंचगे। जे जानकारी निकल के आघू आवत हे के ओखर मुताबिक भूपेश बघेल के बंगला म एक कार्यकर्ता ह कुछु जातिगत टिप्पनी कर दीस।  उहें पीछु म  बइठे इही जाति के एक कार्यकर्ता ह एमा आपत्ति जताइस।

उंखर कहिना रिस के अइसे  ही कार्यकर्ता मन के वजह ले भूपेश बघेल बिना कारन बदनाम होवत हे।  श्री बघेल के बंगला म ए वक्त कार्यकर्ता मन के भीड़ जमा हे।  उमन दिल्ली ले अवइया खबर के इंतजार हे। कार्यकर्ता मन के उम्मीद हे के भूपेश बघेल ल राज्य के कमान सउपे जाही। बगंला म दू समर्थक मन के भिड़े के वजह ले मामला गरम हो गिस। उंखर बीच म हाथापाई के स्थिति घलो निर्मित होगे रहिस।  मामला ल बिगड़ता देख के उहां मवजूद दूसर कार्यकर्ता मन ह बीच-बचाव करिन।