Breaking news….चरणदास महंत ह आज विधानसभा अध्यक्ष बर नामाकंन दाखिल करिन…. चुने जाही निरविरोध

रायपुर। छत्तीसगढ़ कांग्रेस के वरिष्ठ नेता डॉ. चरण दास महंत ह आज विधानसभा अध्यक्ष बर नामाकंन दाखिल कर दिस। महंत ह निरविरोध विधानसभा अध्यक्ष चुने जाही। काबर के उमन ल भाजपा अउ जोगी कांग्रेस के समरथन प्राप्त हे। एखर सेती कोनो उंखर खेलाफ पर्चा दाखिस नइ करय।

डॉ चरणदास मंहत ह पांचवां विधानसभा अध्यक्ष बने बर जात हे। महंत के नामांकन पत्र म  कांग्रेस के संग भाजपा अउ  जोगी कांग्रेस के विधायक घलो महंत के प्रस्तावक अउ समर्थक बनिस।  कांग्रेस के ओर ले  जिहां सीएम भूपेश बघेल, रविन्द्र चौबे, शिव डहरिया प्रस्तावक अउ ताम्रध्वज साहू, प्रेमसाय सिंह, कवासी लखमा समर्थक बनिस उहें भाजपा के ओर  ले पूर्व मुख्यमंत्री रमन सिंह प्रस्तावक अउ नारायण सिंह चंदेल समर्थक बनिस। जबके जोगी कांग्रेस के ओर ले धर्मजीत सिंह प्रस्तावक अउ रेणु जोगी समर्थक बनेहे।