अपन दावेदारी ल सिरे ले खारिज करिस बृजमोहन ह

रायपुर.छत्तीसगढ़ म लोकसभा चुनाव 2019 बर तमाम राजनीतिक पार्टी मन म प्रत्याशी चुने के कवायद जोर सोर ले चलत हवय. बता दन के रायपुर लोकसभा क्षेत्र म दावेदार मन के रूप म मउजूदा सांसद रमेश बैस के अलावा रायपुर
दक्षिन विधानसभा सीट के विधायक अउ पूर्व मंत्री बृजमोहन अग्रवाल के नाम घलो प्रमुखता ले लेय जात हवय, लेकिन प्रदेसश के कद्दावर मंत्री रहे बृजमोहन अग्रवाल ह तमाम अटकल मन म विराम लगा देय हे.

बृजमोहन अग्रवाल ह अपन दावेदारी ल सिरे ले खारिज कर दिस हे. उंखर कहिना हे के पार्टी अगर चाहे त उमन चुनाव लड़ही, लेकिन व्यक्तिगत रूप ले उमन लोकसभा के चुनाव नई लड़ना चाहत हवय. बता दन के, विधानसभा चुनाव 2018 म पार्टी ल मिले करारी हार के बाद प्रदेस म राजनीतिक समीकरन तेजी ले बदलिस हे. नेता प्रतिपक्ष अउ पार्टी अध्यक्ष के रूप म बृजमोहन अग्रवाल के प्रबल दावेदारी रहिस हे, तब पार्टी ह धरमलाल कौशिक अउ विक्रम उसेंडी म भरोसा जताइस हे.