अजीत जोगी के पार्टी अउ बसपा म दरार, टूट सकत हे गठबंधन

रायपुर. छत्तीसगढ़ म विधानसभा चुनाव 2018 म एक संग आए पूर्व मुख्यमंत्री अजीत जोगी के पार्टी अउ बसपा के गठबंधन लोकसभा चुनाव म पशोपेश के स्थिति म हे. लोकसभा चुनाव म प्रदेस के 11 लोकसभा सीट म ले 6 सीट म बसपा ह प्रत्याशी मन के नाम के ऐलान कर देय हे. बताया जात हे के, बसपा ह प्रत्याशी मन के नाम के ऐलान के पहिली अजीत जोगी के पार्टी जनता कांग्रेस छत्तीसगढ़ जे ले चर्चा नइ करिस. एखर बाद ले कयास लगाय जात हे के, गठबंधन लोकसभा चुनाव ले पहिली टूट सकत हे.

छत्तीसगढ़ बसपा के प्रदेस अध्यक्ष हेमंत पोयाम ह मंगलवार के प्रत्याशी मन नाम के ऐलान अलग-अलग तीन पत्र जारी करिन. पहिली पत्र म बस्तर अउ कांकेर सीट म आयतु राम मंडावी व सूबे सिंह ध्रुवे के नाम हे. एखर बाद दूसर सूची
म जांजगीर चांपा सीट ले दाउराम रत्नाकर के नाम जोड़ देय गे हे. फेर तीसर सूची म तीन अन्य सीट मन म प्रत्याशी मन के नाम के ऐलान कर दिस. ये सूची म सरगुजा सीट ले माया भगत, रायगढ़ सीट ले इन्नोसेंट कुजूर अउ दुर्ग लोकसभा सीट ले गीतांजली सिंह ल प्रत्याशी बनाय गे हे..

बसपा ह प्रत्याशी मन के नाम के ऐलान के बाद जेसीसी जे प्रमुख अजीत जोगी ह मीडिया ले चर्चा म प्रतिक्रिया दीस. पूर्व सीएम अजीत जोगी ह कहिन, आज बसपा ह जे सीट मन म प्रत्याशी मन के नाम घोषित करे हे, वो सीट मन केबारे म ना त मोर ले अउ ना ही प्रदेस अध्यक्ष अमित जोगी ले पूछिस हे. लोकसभा म वइसे हमार कोनो दिलचस्पी नइए. …ना त हमार लोकसभा चुनाव म कोनो तमन्ना हे अ ना ही कोनो संभावना हे. संभावना अउ दिलचस्पी बीएसपी के हे, लेकिन एक बात मैं जरूर कहना चाहूं हमार गठबंधन हो या ना हो, लेकिन हमार अउ मायावती के रिश्ता बने रही.