Congress: दुष्कर्म घटना ल बनावटी बता के उप्र के सीएम योगी के असफलता ल छुपाए जात हे : वंदना राजपूत

जय जोहार…. प्रदेश कांग्रेस (Congress) प्रवक्ता वंदना राजपूत ह कहिन कि हाथरस कांड म कांकेर सांसद मोहन मंडावी ह अपराधी बचाव नीति ल आघू बढ़ाय के काम करे हे। सांसद मंडावी के बयान ल स्पस्ट हो गे हे कि जेन भाजपा ल वोट दे, वही देश म सुरक्षित रही अऊ जेन ह भाजपा ल वोट नई देही, ओखर संग दुष्कर्म के घटना, अत्याचार, लूटपाट जइसे घटना हो सकत हे।

कांग्रेस (Congress) प्रवक्ता वंदना राजपूत ह कहिन कि दुर्भाग्य के बात हे कि भाजपा के सांसद मोहन मंडावी ह देश के बेटी के विभाजन करत हे। मोहन मंडावी ह कहत हे कि हाथरस वाला लोगन मन ह वोट नई दे रिहिन। हाथरस त भारत म आवत हे अऊ भारत के प्रधानमंत्री नरेंद्र मोदी, उत्तरप्रदेश म भाजपा के मुख्यमंत्री योगी आदित्यनाथ हे।

कांग्रेस (Congress) प्रवक्ता वंदना राजपूत ह कहिन कि अइसे बयानबाजी बर मोहन मंडावी ल शर्म आना चाही अऊ तत्काल अपन पद ले इस्तीफा दे देना चाही। बड़े दुर्भाग्य के बात हे कि मोहन मंडावी ह वही करिन, जेन भाजपा के असली चरित्र हे। दुष्कर्म जइसे घटना ल बनावटी बना के उत्तरप्रदेश के योगी सरकार के असफलता ल छुपावत हे।