कैबिनेट सचिव ह वीडियो कांफ्रेंसिंग ले सब्बो राज्य के मुख्य सचिव ले करिन समीक्षा

जय जोहार…. भारत सरकार के कैबिनेट सचिव राजीव गौबा ह आज दिल्ली ले वीडियो कान्फ्रेंसिंग ले देश के सब्बो राज्य के मुख्य सचिव अऊ स्वास्थ्य सचिव के बइठक लिस। एमा कोरोना वायरस कोविड-19 के संक्रमण ले जन स्वास्थ्य म प्रभाव ल लेके विस्तार ले राज्यवार समीक्षा करिस। कैबिनेट सचिव ह राज्य के ग्रामीण क्षेत्र म जियादा ले जियादा स्वास्थ्य सुविधा ल बढ़ाय अऊ स्वास्थ्य सेवा के अपग्रेडेशन म विशेष बल दे हे।

वो हा मुख्य सचिव मन ले अवइया माह म कोविड-19 के रोकथाम, बचाव अऊ इलाज बर चुनौतीपूर्ण कार्य करे ल केहे हे। वो हा कोविड-19 के संक्रमण के प्रसार ल रोके बर समुदाय म जागरूकता लाय बर विशेष प्रयास अऊ सार्वजनिक स्थान म मास्क लगा के जाने सोशल अऊ फिजिकल डिस्टेंसिंग के पालन करने ल केहे हे। संक्रमण के लक्षण दिखे म तुरते स्वास्थ्य परीक्षण अऊ इलाज करे के व्यवस्था करे के निर्देश दे हे। कैबिनेट सचिव ह राज्य म प्राइवेट लेबोटरीज म कोरोना जांच सुविधा ल बढ़ाय म जोर दे हे।