छत्तीसगढ़ के दुर्ग जिला म लाइकापन ले जेंन टूरा खेलत खेलत 8 साल के उमर म रंगकर्म के क्षेत्र म चल दिस ओखर नाम हरे सिद्धार्थ।
आज सिद्धार्थ ह कोनो परिचय के मोहताज नई हे, ओला तो भोजपुरी इंडस्ट्री के बड़े बड़े फिलिम म कैमरा चलाए पर बुलाए जथे ।
हमन बात करत रेहेंन कि सिद्धार्थ ह 8 साल के उमर म रंगमंच कोति चल दे रहीस ओखर कारण ये हे कि सिद्धार्थ के पिताजी नकुल महलवार खुद एक अभिनेता हवे ।धीरे-धीरे बाल कलाकार ले सिद्धार्थ हा टेक्निकल साइड ला चुनीस अउ कैमरामैन बने के ठान लिस। कैमरामैन तोरण राजपूत ले काम के बारीकि ल सीखिस अउ मुंबई में 1 साल तक असिस्टेंट के काम घलोक सीखिस।
छत्तीसगढ़ म ही रहीके हिंदी अउ भोजपुरी फिलिम के कैमरा चलात हे। सिद्धार्थ के पहली फिलिम मितान 420 हावे, मोर जोड़ीदार र सर्वश्रेष्ठ कैमरामैन के अवार्ड सिद्धार्थ ल मिले हैं । भोजपुरी म बड़े बजट के बॉर्डर अउ निरहुआ हिंदुस्तानी 3 म सिद्धार्थ ह कैमरा चलाए हे।
सिद्धार्थ ह बताईस कि भोजपुरी के अपेक्षा छत्तीसगढ़ म काम करे ले पारिवारिक माहौल मिलथे।ओखर अवैया फिलिम हे राजा हिंदुस्तानी अउ विवाह।
